李浩林避談做疊碼仔
金牌司儀李浩林被傳在澳門秘撈做疊碼仔，朋友欠賭債，他要孭上身。昨晚他於時代廣場為藝術展擔任司儀，被問到做疊碼仔及欠數事件，他三次自喻是傻子，但沒正面回應被指秘撈做疊碼仔一事。他說：「成件事自己係傻子，係朋友打畀我，方便個朋友，佢喺嗰邊（澳門）玩，依家件事已解決。（係咪三百萬？）據我所知係，但佢哋自己解決，完全與我冇關，以後唔會再咁幫朋友，個朋友都有道歉。（點解喺賭廳會開戶口？）我自己冇乜玩，有時同朋友過去先玩下，最大都係幾百蚊，依家會close個戶口。」
活動中還有任達華、琦琦、徐小鳳、諸葛紫岐等出席，紫岐被問是否為HotCha做形象，她說：「同佢哋分享自己衣着心得。（幫老公做嘢有冇人工？）一家人冇計，冇收人工。（會否同法拉做形象？）哈哈，唔知點答。」
