曲赤扮死狗向連詩雅道歉

歌手Shiga的慾照事件成為近日的全城熱話，曲赤昨在中環出席耳筒品牌活動，吸引大批傳媒到場，一臉疲態的他在同門的許穎（Phoebe）陪同下現身，神情委靡地受訪。曲赤先對Shiga連「鎅」19仔的報道表示不知情，但承認女方多追求者：「每個吸引嘅女仔都多人追，我都係因為咁先同佢一齊。」但他強調兩人分手原因是性格不合，並非第三者介入。

對於舊愛在記者會上泣不成聲，曲赤說：「見到佢唔開心我都唔好受，始終大家深愛過，希望佢心情可以盡快平復，我唔知可以做到咩，只可以衷心講句對唔住。」曲赤又再否認向雜誌放出不雅照：「啲相其實我哋三個都有。」他又堅稱跟Shiga的照片可能因早前遺失iPad而外洩。

與曲赤的親密照被公開後，連詩雅日前在記者會上落淚承認與曲赤的一段情。

莊思敏與周柏豪昨日齊撐連詩雅。

認已婚兼育有一女

對於外界包括女主角Rainah丈夫陸永都指他出賣朋友「博宣傳」，曲赤一臉無辜謂：「我唔知點博宣傳，我又唔係拍劇，唱片又未出，事實上公司因為呢件事仲考慮緊隻碟仲出唔出。」他又承認：「我係結咗婚，仲有個女，太太都好信任我。」曲赤續稱未有計劃致電兩位女主角解釋，自己的心情亦未能平復，訪問中途Phoebe突然殺入記者群中，然後隨即大讚曲赤為人：「我識咗佢好耐，佢係好人，我都成日同佢影相，不過就無脷疊脷咁核突，最多都係搭住曲赤個胸。」

周柏豪撐師妹轉性

對於Shiga的報道，其所屬的華納唱片拒絕回應：「對方喜歡點講我哋無辦法。」與Shiga同公司的周柏豪昨日出席活動時稱不認識男主角曲赤，對於師妹的慾照事件則回應：「以前佢係貪玩，但入行後真係好專心工作。」同場的莊思敏則表示有看過報道，並力撐「拍拖親熱好正常。」

文：音樂組