連詩雅哭崩慾照 認有做過

Shiga昨日在經理人及唱片公司高層陪伴下，在唱片公司為「慾照事件」召開記者會，半百傳媒到場。Shiga以素顏及素色便服出現，她「雙眼通紅」及不時「深呼吸」，到開腔交代事件短短十二分鐘喊足全程。她說：「想交代尋日發生唔開心嘅事，好想承擔以前細過做過嘅嘢，同相入面男仔係有拍過拖，影咗較親密嘅照片，因為當時好愛，好信任佢，影咗比較親密嘅相。至於……（淚如雨下）呢啲相點解流出嚟，我真係唔知，亦唔想追究呢件事。我承認以前有去玩有去蒲，做咗好多無謂嘢，嘥咗好多時間，近幾年人大咗，努力工作，今次嘅事，令家人、朋友同公司嘅人都擔心我，好想行出嚟話畀大家聽，會勇敢面對自己做過嘅事。」

聞「性行為」大為尷尬

之後Shiga對記者提問逐一回應，承認16歲和曲赤拍拖，拍了大概一年因性格不合分手。她說自己沒有這輯相片，只有對方擁有。對方將「密照」流出？Shiga說：「唔想咁樣諗人哋，相信人有好一面。」兩人分手後沒有再聯絡，冇曲赤的電話故沒找他了解。

連詩雅不打算再作追究。

許穎

說到曲赤暗示與Shiga有「性行為」？她一面尷尬答：「男女朋友拍拖做嘅事都有做過。（仲有冇其他情慾照？）記憶中冇。（曲赤答得好隱晦？）唔追究件事點解發生，自己好失望，好唔開心，好……（兩行眼淚）好突然。」至於可會聽曲赤電話解釋？Shiga謂暫時都不想聽電話，需要時間去冷靜。

曲赤辯稱因遺失iPad令相片流出？Shiga說不會再細究。若為出碟做宣傳可覺對方行為可恥？Shiga依然說：「唔想咁諗人，只可以話好失望，因相信對方先會影相。（後悔識錯人？）唔好話後唔後悔，係真係愛過，只係細個做無謂嘅事，自己要負責任。」曲赤爛蒲，酒後喜愛咀女？Shiga稱當時自己是返學年代，對方夜晚有否出街她都不知道。

曲赤：唔係得我有相

除了曲赤的「密照」外，可擔心以前的男朋友都會放出「密照」？Shiga有信心的說：「唔會嘅，咁拍拖影親密相一定有，鍾意先會影相留念，每段感情都會。」經此事後Shiga說自己任何相都會小心保管處理。對於現在被人形容她為「爛蒲」？Shiga承認以前有蒲有玩，但入行後所有精神都放在工作上。而事件後，家人當然擔心，母親都有安慰她，所以更感激家人和朋友的關心和支持。

至於曲赤揚言Shiga和陸永嫂泳娜（Rainah）亦擁有「慾照」，而非她們所言冇相在手。曲赤昨日接受電話訪問時說：「連詩雅和泳娜（陸永嫂）都有啲相，唔可以話一定係我放，我同泳娜當年都有放喺facebook，好多人都見過，我唔排除有人存起，但我一早刪晒。（點解刪除？）我哋又唔係情侶，唔想其他人誤會。（矛頭指你博宣傳？）我冇電視節目、電影、唱片推出，我冇着數，公司仲可能雪我，連碟都出唔到，我先至係受害者。」至於同公司的𡃁模許穎說：「我好同情和支持曲赤，我哋係工作上拍檔、好朋友，我哋唔係拍拖，我依家係單身。」另外，唱片公司和經理人公司都指Shiga工作如常，不受影響。

文：音樂組