DaDa上下失守 怒摑色狼

近年o靚界掀起內地夜店吸金潮，陳靜（DaDa）亦不時返內地夜店登台搵銀，惟前晚於內地惠東登台時慘被非禮！她昨日凌晨於微博自爆遇到色狼，感受辱的DaDa即時「還擊」出掌，她寫道︰「剛才登台時遇到一個色狼，我的同事為了保護我她的臉還被他弄傷，我狠狠賞了他一巴掌，我為我的衝動道歉，但我更為我的手驕傲，希望這一巴掌有好好教育到你。請尊重女性尊重自己！」

助手護主傷臉喪喊

其助手亦在微博爆粗怒罵謂︰「如果今晚之後臉上留疤，我一定找你算帳呀！」DaDa經理人施念慈亦留言大表心痛。昨日DaDa接受電話訪問時明顯心情低落︰「雖然現場有多名保安築成人牆，但臨走時仍有人非禮我重要部位，擰轉頭知邊個做即刻打佢一巴！雖然我冇影到相，但場內嘅人有，希望大家post出嚟畀人知道件事。」她不願提起哪部位被「抽水」，只說事後喪喊並感到非常憤怒，故即時發微博說出事件，她勞氣地說︰「唔想多講畀人非禮邊度，始終唔光彩，之後返上車係咁喊，我打嗰個人一巴覺得冇錯，因為佢唔尊重我！但今次唔會追究，希望佢會改。」

聘詠春師傅當保鏢

此外，DaDa透露下月15日還有內地登台騷，她直言公司已請了兩個保鏢隨行，而其經理人施念慈則表示︰「真係好嬲！欺負女性唔得，已經請咗詠春師傅保護，而且已叫同事下次影低登台情況，有事要即刻報公安！」

文︰專案組