Naomi變骰魔冧仔

曾擔任不少主持工作的Naomi（馮鎵瀠）個性熱情爽朗，每次夜蒲都吸引大批男士團團轉，她亦直言曾跟多名男藝人拍拖及曖昧，包括台灣歌手柳丁及台劇《流星花園》一名男演員，早前在台灣工作時更獲某一線男星以跑車接載，最近則與李思捷傳緋聞，桃花運實在暢旺！

Naomi大騷骰盅冧仔絕技。

李思捷

未揀定追求者

最近Naomi被冠以「李思捷緋聞新歡」的稱號，雖然她沒有親口承認戀情，但似乎不放思捷女友「春卷」王宝宝在眼內，問到最愛的男性類型，她的選擇亦與思捷「不謀而合」：「以前鍾意靚仔，但大個咗就鍾意有主見、才華同幽默嘅男士。（講緊思捷？）身邊好多個男仔都係咁。（男友要好叻講笑話？）個個女仔都鍾意人氹，太悶就冇話題，唱歌好聽做戲叻都會加分！」問到是否已揀定？她表示一直不乏追求者，即使有另一半仍可與異性約會，只要不越軌便可：「就算有最好，都可以睇定啲，依家仲有台灣男仔飛嚟香港追我。」

夜蒲經驗豐富

今年Naomi將會推出寫真及拍電影《喜愛夜蒲2》，她笑言夜蒲經驗豐富，拍攝可謂更加投入，訪問期間她大騷骰盅冧仔絕技，同時搖動十多粒骰仍易如反掌，堪稱「女骰魔」！

她笑言當初學玩骰全因想吸引異性注意：「我比較主動，唔想下下等男仔埋嚟，男仔變魔術會吸引到女仔，我就諗不如玩骰，相信都好少女仔可以玩到我咁！」但她直言很少出動此絕技，因憑外表及口才已能吸引不少男士搭訕。

文：立影　攝：李廣成

泳裝：Roxy　場地：V. Club