冬甩晒Ｖ 街頭誘瀛男
o靚模組合冬甩及同門師妹謝芷蕙（Cammi）日前飛抵東京為寫真拍攝性感靚相，她們齊着比堅尼在街頭取景，場面火辣，就連當地學生亦上前要求合照，齊心舉「V」sell可愛，獲日男大讚「Kawaii呢」！
寫真戰將至，大批o靚模近日頻頻趕工務求在死線前完成拍攝。年年例出寫真的o靚模組合冬甩，日前派出大師姐胡心諾（Rainbow）、曾寶玲（Ar Yu）、陳芷敏（Elke）及新血「翻版Baby」陶嘉瑩（Elise），偕同門師妹謝芷蕙（Cammi）遠赴東京涉谷、新宿及台場等地取景。有份擔任形象設計的Rainbow更以女僕裝上陣，她着住女僕裙在酒店親手為其他o靚模燙衫，實行假戲真做！
Ar Yu D咪有睇頭
眾女中，以擁32D咪咪的Ar Yu身材最有睇頭，着住噴火內衣的她基本上不用特地搔首弄姿，已看得一班宅男口水直流！其中一輯相，眾女只穿比堅尼加薄外套在鬧市街頭取景，引來不少途人喪𥄫。適逢是放學時間，大班當地學生鼓起勇氣上前要求合照，齊齊擺出港女十式之第二式——舉「V」，兼獲男學生以日文讚賞可愛。
回應粉絲50Q
另外，首次以個人名義出寫真的Cammi，對造型設計一絲不苟：「好開心有呢個機會自己出一本，依家我喺微博收集緊五十條粉絲嘅問題，到時會將答案收錄埋喺本寫真入面！」
文：專案組