羅仲謙改口識得劉定成
昨日開工拍劇的羅仲謙，終於承認認識富商劉定成：「之前有一位圈外朋友介紹而認識，（係咩場合？）公開場合，係餐廳。（之前唔認？）因為曾經接觸過警方，警方要求保密。（依家又認？）近期有太多嘢，我覺得係時候要講。」但謙仔否認為劉生拍過全裸照，只有半裸相：「我影咗好多，都係為廣告活動而影，（佢冇見過又話你唔夠大？）唔清楚。」他又斬釘截鐵表示有着衫與劉生合照。
對於被劉生視為頭號獵影目標的王浩信（Vincent）接受本報訪問，他否認影過裸照，但透露在兩年前，有圈中人介紹劉生給他認識，對方更親自致電及勉勵他，叫他努力，所以Vincent對劉生的第一印象不俗：「當時覺得佢幾nice，我只答咗句多謝，但冇同佢出過街及任何接觸。（依家搵你影呢？）梗係唔影啦！我都有個女啦，第時個女大咗問番，你話幾尷尬！」
