天華否認撻着袁嘉敏

前港姐袁嘉敏被指與謝天華拍攝咀戲後一吻回味,日前二人於電視城餐廳玩得忘形,天華更觸及對方胸部。天華昨回應指是笑料一宗:「當時喺餐廳吃飯撞見袁嘉敏,佢話畀我睇佢新屋啲相,TVBI嘅同事都同枱,之後我扮唔畀番部手機佢,玩吓啫!(覺唔覺佢冧你?)拍完劇都冇聯絡。啲雜誌問我回應我都係咁答,不過出嚟話我扮失憶囉!」問到老婆會否介意,他笑謂:「老婆睇完咪咪嘴笑添!」

袁嘉敏則強調當時天華沒觸及其胸部:「當日我等緊監製時見到佢,咪傾吓偈。我份人鬼妹仔性格,之前去長隆拍嘢我都着住三點式同敖嘉年拗手瓜,唔通話我引誘人咩!」