陳嘉桓出煮意氹媽咪笑開懷
陳嘉桓（Rose）日前與母親Ronnie拍攝有線節目，親自下廚炮製「心花怒放『蜆』母親」，祝母親像炒蜆般「笑口常開」。Ronnie笑說：「Rose好鍾意睇我煮飯，但輪到佢下廚就雞手鴨腳。」Ronnie又自爆女兒讀初中時已管教甚嚴：「我要佢話畀我聽幾點返屋企，到咁上下佢仲未返我就會奪命追魂call。」
提到橫店不愉快事件，Ronnie坦言心情至今未平復：「覺得好心痛，覺得Rose好蠢。諗到要企出嚟交代，成個人震晒，我比佢更大壓力，嗰時瘦咗好多。」她更稱曾在橫店與Rose抱頭痛哭。Rose坦言對事件感自責：「因為見到媽咪電話響個不停，人生中未試過發生咁多不快嘅事。」
