小方漏口風同Stephy住埋

小方是圈中出名的孝順仔，連帶女友的母親亦相當照顧，後日星期日是母親節，問他可有相約女友和雙方父母慶祝？他直認：「會呀，因為Stephy嗰日唔喺香港，所以我會約埋伯母一齊食晏晝飯慶祝，但禮物就冇準備。」

失言死兜

小方謂和Stephy媽媽見過多次，大家已很熟，滔滔不絕的他竟突然漏口風自爆和女友同居：「咁我哋一齊住嘛……（吓？同居？）唔係，一齊喺香港住。」自知失言的他緊張地解釋除Stephy外，因常到友人家拜訪，故和所有朋友的父母也稔熟，自言是孝順仔，尊重長輩是很普通的事，叫記者勿太敏感。

另外，日前小方和節目主持人黎國輝拍攝電台青春劇特輯，同場有兩女一男候選新演員參與演出，問他對新人有何專業意見？小方說：「最緊要讀好書先，唔好視拍電台劇為加入娛樂圈嘅踏腳石。」

高薪拍劇

小方已有一段長時間沒有拍電台劇，稱今次演出可重拾初入行時的回憶，自爆當年是高薪演員：「嗰次拍劇有八百元酬勞，好高價㗎啦，我仲記得當年我五日零用都係得五百蚊，八百元對我嚟講真係好多。」問他現時再拍劇是否收十倍酬勞？小方一頭霧水問導演，當得知是義演時，他又笑笑口說：「冇所謂啦，我好鍾意拍電台劇。」

採訪：音樂組