高海寧來電險事 晚晚性騷擾
「咪神」高海寧和已為人妻的前港姐呂慧儀前晚出席名錶活動齊齊「派米」，呂慧儀「中門大開」以「南北半球」力壓高海寧，雖已為人妻仍火力十足！早前在微博受騷擾的高海寧，自爆近日被電話性騷擾，考慮報警求助。
呂慧儀前晚與「咪神」高海寧雙雙以性感打扮在君悅酒店為名錶拍賣會擔任模特兒展示名錶，「咪神」與慧儀齊齊發功「派米」，身穿連身長裙的慧儀「中門大開」大晒南北半球，性感爆燈，力壓性感低胸tube dress、波濤「胸」湧的高海寧。
早前在微博遇到核突留言的高海寧，受訪時自爆近日受到電話性騷擾，正考慮報警求助，她說：「我一向唔聽冇來電顯示嘅電話，但係近來每晚同一個時間都有電話打嚟，接聽之後有把男人聲話：『我想x你！』嚇到我即刻收線，呢個電話係香港打出，事關我住喺邊好多人都知，所以都考慮緊報警。」
呂慧儀胸猛逼人望
慧儀作示範時，剛好將名錶放近酥胸，現場男士的眼光也不客氣地望到實，慧儀卻說不感尷尬：「我好有信心唔會走光，件衫超級安全，係我逼佢哋望啫，可能佢哋係睇錶呢。」穿得如此性感，事前要不要先徵得老公黃文迪的批准？她笑說：「唔使，我喺屋企都成日咁着架啦，近期喺佢監督之下已經瘦咗弗咗，佢先畀我咁着。」既然在家也是性感尤物，那麼對「造人」豈不是大有幫助？慧儀笑說：「未呀，影都冇，可能要着圍裙先掂！」
文：影視組