藝人朝聖大開眼界

薛芷倫：個騷part、part都精彩，一開場就唱晒啲hit歌，氣氛好好，我畀99分！個騷令我最深印象係GaGa講笑話香港應合法買假名牌袋。

關心妍：大開眼界，GaGa自彈自唱好精彩，最深刻GaGa喺個騷講，雖然同你哋唔同宗教，都好愛你……我覺得個騷充滿愛。

關心妍	任賢齊	鍾鎮濤

任賢齊：覺得GaGa音樂才華好犀利，自彈自唱，氣氛好好，觀眾好易投入，因為我唔識GaGa冇得行VIP通道。

鍾鎮濤：好正，好滿意，唱得好又跳得好，製作超水準，值回票價。細女鍾懿視GaGa為偶像，如果可以都想尾場帶佢去睇。

鄭裕玲：呢個都算係我睇過最好睇嘅騷，衫靚、景靚，畀90分，開場最好睇，係世界級水準。