楊恩琦灑淚:媽咪對唔住

楊思琦產後復出,首次為無綫的母親節特備節目任司儀,可謂非常「應景」!她更即席在錄影現場致電母親致謝,最後忍不住淚灑當場說:「媽咪好對唔住呀,令你咁擔心我!」令在場的人亦為之動容。

無綫前晚為節目《媽媽真的愛您》進行錄影,在錄影開首之時,大會更不時播放思琦與BB的日常合照,非常溫馨!而高鈞賢及狄易達等亦帶同媽媽一齊亮相,狄易達於出場時更即興的錫了母親的嘴巴一下,即令全場嘩然!

自認唔識湊B

自稱是「新媽咪」的思琦表示對湊BB還不太熟悉,期間更即場致電媽咪細訴心聲,思琦說:「好多謝你咁愛錫我,尤其是我佗BB時,我知你好擔心我,又要照顧我起居飲食,到依家自己做咗媽媽,就知道做媽媽好辛苦!」而思琦媽聞言即深感安慰說:「無論你喺出面遇到有幾大嘅風雨,屋企人係百分百支持你!」此時原本已口震震的思琦更忍不住哭着向母親道歉:「媽咪好對唔住呀,令你咁擔心我!我應承你我會畀心機努力工作、照顧好BB,我會更加錫你同埋孝順你o架!」雖然只是簡短幾句,但場面感人。

親製香水贈母

而家燕姐談及兒女時亦感觸道:「前年我生咗場大病,個大女特登辭咗工返嚟陪我,仔女都好乖好孝順!」徐淑敏(Suki)除與母親出席外,更帶了父親及大女一同出席錄影,她表示會親自調製青蘋果味的香水送給母親,她謂:「因為以前媽咪都會搽呢隻味嘅潤唇膏嚟錫我哋,所以我想調番呢隻味出嚟。」

另外,楊思琦日前與袁嘉敏及李思敏等一起到長隆拍攝旅遊特輯,各人試玩水上樂園的各項玩樂設施,表現興奮。

文:影視組