Jeana柏文撫中作樂 當中摸Pat

34D「不倒胸」何佩瑜(Jeana)最近與張栢芝細佬張柏文撻着,兩人更極速成為同居戀人!日前雙雙到超市掃日用品亦煙靭攬到暈,情到濃時柏文還頻頻輕撫女友Pat Pat,當街纏綿。

Jeana自從與圍村男友分手後,身邊男伴團團轉,最近她搭上張栢芝細佬張柏文。不過有指柏文一直要靠家姐栢芝這條大水喉「射住」,所以二人將戀情低調處理。就算早前Jeana與柏文被拍得十指緊扣行街,一向寸嘴及愛出位的Jeana更大話精上身,死口否認兩人拍拖。

不避嫌戴情侶帽

不過本報日前發現打得火熱的Jeana與柏文已發展至同居關係,兩人還不避嫌戴上情侶帽到銅鑼灣行超市掃日用品。當晚11時半,柏文驅車接載女友,同行還有Jeana同門師妹韋彤(前名江怡),三人下車後即急步往超市。

推着購物車入貨的Jeana,懶理有電燈膽韋彤在旁,全程與柏文如連體嬰般黐到實。二人邊行邊揀家品,全程有商有量。期間Jeana揀廁紙時,更向男友徵問意見,此時柏文見附近顧客不多,突然將Jeana一擁入懷,又於她耳仔細細聲說話,冧得女友甜甜笑之際,更順勢將手放在Jeana的Pat Pat又摸又掃,狀甚受落的Jeana還與男友打情罵俏一番。至於被冷落的韋彤則一臉眼冤,跟在兩人身後慢慢行。

翹埋雙手唔拎嘢

Jeana與柏文隨後又往挑選飲品,Jeana選購了兩大盒乳酪及一大支牛奶來以形補形,逛足半小時多,三人才去排隊付款。公主病上身的Jeana更指指點點,吩咐男友做阿四,將兩箱戰利品搬上車。韋彤見狀亦出手相助,Jeana則翹埋雙手施施然上車。

Jeana事後接受電話訪問,對於與柏文同居一事Jeana不置可否:「其實當日買嘅嘢都唔止兩個人分量啦!我哋成日約埋一齊掃貨o架啦!我可以乘機打斧頭嘛!」

文、攝:追蹤組