義氣仔女人人豎拇指

羽翹：

曾合作拍攝節目《姊妹淘》的歌手羽翹：「喺我眼中嘅佢係一個大家姐，好識照顧人。最深刻一次係我趕住返無綫拍嘢，但忙到連飯都未食，佢二話不說就車我過去，仲將佢飯盒裏面嘅兩塊豬扒分咗畀我食，識到佢真係三生有幸！」

呂慧儀大讚莊思敏工作態度專業。	馬詩慧	錢國偉

呂慧儀：

「我同佢以前成日一齊行騷，佢好專業，永遠都唔會遲到，而且仲時刻保持最佳狀態。」

監製錢國偉：

「佢做嘢好積極，仲係一個好有主見嘅女仔，我好鍾意搵佢做嘢，貪佢玩得同性格男仔頭，如果有適合嘅角色都會再搵佢。」

梁思浩：

「我好欣賞佢同傳媒嘅對答，好能夠代表到新一代女性，我睇好佢會成為另一個『電台吳君如』！」

名模馬詩慧：

「佢工作態度好專業，而且好守時，同埋都好欣賞佢嘅敢作敢為。」