張致恒 自我挑戰掟上癮
英皇藝人張致恒（Steven）除了演得、唱得、跳得及跑得外，原來亦相當「掟得」，近兩個月Steven迷上了掟鏢，並常與電視女藝人陳佩思結伴掟鏢。Steven不諱言掟鏢這玩意，往往予人不正經感覺，他說：「因為以前去掟鏢嘅地方，通常係酒吧，嗰度又煙又酒，好似好唔健康，其實近年多咗好多『道場』（練鏢地方），進化到係一項健康嘅活動，呢啲地方唔煙唔酒，仲可以同朋友敍舊，所以愈來愈普及。」
Steven又謂要男女一齊玩的運動其實不算多，他說：「掟飛鏢就可以，任何人都可以參與，又唔會有身體接觸。我依家Keep住學，兩個月內只係得四日冇玩，雖然未去到『人鏢合一』，但真係掟上癮，因為每次掟鏢都係一種挑戰，可以訓練自己專注力、集中力同手力，唔係話大力就可以掟中目標，係要講技巧、講感覺同策略。」
鏢準技巧
張致恒表示掟鏢工具最基本有一支鏢，當中包括鏢頭、鏢身、鏢杆及鏢翼，他表示鏢身價格有平有貴，他說：「鏢身價錢由200元至2000元都有，最好有埋一個鏢袋，裝晒掟鏢所需用品，咁就方便得多。」談到掟鏢技巧，他說：「最基本係點企位，隻腳唔好超過條界，我依家仲未好穩定，仲搵緊一個屬於自己嘅『殺手位』，所以要加倍訓練。」
場地：Pro Darts@旺角