巨聲幫出身的林景程（King）早前在無綫劇中飾演實習醫生，原來現實中的他是一名物理治療師！King坦言在讀書時期已想入娛圈，可惜苦無門路，他說：「入唔到娛樂圈都要讀書，跟住公開考試又考得OK，順利上到大學，之後亦對物理治療有興趣，所以就揀咗嚟讀。」
King現時演戲和物理治療師的工作兩兼顧，故有時亦會感覺辛苦，但他慶幸有更多人認識自己：「我試過返診所做緊症嘅時候畀人認得，但擔心啲病人覺得我又做戲又做物理治療師會唔夠專業，所以通常我都會扮嘢同佢講：『你認錯人啦！』」
