趙碩之探靈引鬼上身

趙碩之入行四年工作不斷,相比同期出道的模特兒來說比較一帆風順,早前她更接拍了靈異電影親自到日本探靈,並揚言希望可以引鬼上身!

第一代性感o靚模趙碩之,入行四年至今仍屹立不倒,成功脫穎而出轉投電影、電視和各方面的工作,稍後她更有機會嘗試舞台劇演出。趙碩之承認自己是比較幸運的一個:「呢四年每個人嘅增長步伐都唔同,一開始因為寫真集令人認識我,之後不斷增值自己作不同方面嘗試,先至有今日少少成績。相比起其他同期出道嘅人比較好彩。」對於不少o靚模揚言退出或解約,趙碩之認為她們可能接觸過娛樂圈後,發覺不適合才轉投其他工作,她說:「或者有一日我愛上做生意,都會退出娛樂圈呢!」

怨氣重 嚇到喊

最近,趙碩之又有新嘗試,接拍了靈異實況電影《魕》(音:祈),到了日本取景四處探靈,曾到了一個兇案現場了解,她說:「嗰個地方有個女仔多年前遭人輪姦並棄屍,我哋嘗試去招魂,我真係好希望佢上我身,因為既然接得部戲,就唔想白行。最後佢負託咗隨行一名工作人員身上,仲示意我哋離開,佢怨氣好重,最終我哋都離開咗,但其實過程相當驚險,嚇到我喊咗出嚟!」

文:影視組

髮型:Guardi Ko @ P.O.P