周梁淑怡：要有社會責任

無綫真人騷《盛女愛作戰》熱爆全城，曾是電視台高層的周梁淑怡昨日接受訪問，坦言自己未有看過該節目：「我冇乜時間，亦唔識得評論，不過做節目要有社會責任，教唔到人都唔會教壞人，依家新派嘅只係識得出位，引起到關注係咪一定好呢？好彩我屋企冇小朋友。」而無綫對外事務部副總監曾醒明則否認會開拍《盛女》星級版，但稍後會再拍兩個一小時特輯節目，請其他專家於節目內給予意見。