無綫小花黃智雯十分為食，每次與朋友閒談時，話題總離不開「食」。自認不嘴刁的她坦言甚麼菜式都愛吃，智雯說：「唔一定要食鮑魚，平價食品都可以令我食出幸福味道。」
我真係好鍾意食甜品，尤其加多杯咖啡更加係完美配搭。雖然呢啲都係致肥食品，但我每次都會同朋友分享一齊品嘗，呢個真係聰明嘅做法。
日本菜係眾多菜式中至Light，加上分量少，絕對係口痕而又怕肥嘅我最佳選擇。
平日最鍾意同朋友Tea Time，輕輕鬆鬆嚟個Girl's Talk，隨時傾幾粒鐘都唔出奇。我哋仲經常拍Snap Shot，再配上唔同圖案點綴，互相取笑。