歌手鍾舒漫（Sherman）和陳偉霆（William）昨天出席公開活動時（圖），被問到有否想過搞生意？Sherman表示：「未諗到做乜生意，但有同朋友研究投資之道。（股票？）我對股票麻麻地，因為成日要睇住個市，我鍾意投資樓宇多啲！」
William坦言對開食店簡直「唔敢諗」：「我驚自己抽唔到時間！（淨係出錢投資？）我係一個對乜嘢都要知清楚嘅人，唔可以淨係出錢！（跟女友合資？）冇諗過，依家都係專心做好工作。」他透露其心願是推出適合青少年的小產品。
