妙芝爆兩子恨飛韓追星
名模歐陽妙芝（Christine）昨日出席活動時，表示將帶兩位寶貝囝囝方玉丞、方玉亨到韓國旅行，指他們喜愛當地人氣組合少女時代：「細佬好鍾意，影響埋哥哥，叫我帶佢哋去，我話去到都見唔到明星架，等佢哋感受吓當地嘅文化。」
問有否帶他們看少女時代演唱會？廿四孝母親Christine自稱「神仙媽咪」，坦言盡量滿足兒子需求：「之前喺香港睇咗喇，仲坐第一行。（畀囝囝學韓文？）依家物色緊良好嘅韓文課程，細佬平時會跟住啲MV跳舞同唱歌，比返學上堂更用心，哈哈。」她還表示會與囝囝一同上興趣班，希望有更多親子互動。