金剛起雙飛：兩個都鐘意！
金剛獲兩位「神獸天使」蔡慧欣（Gemma）及陳芷尤（Apple）為他爭風呷醋，前晚三人開工被要求合照，夾在中間的金剛一時顯得尷尬兼面紅，當被問到喜歡邊個時，金剛竟毫不避忌說：「兩個都鍾意。」
金剛與節目《五覺大戰》中的「神獸天使」蔡慧欣和陳芷尤鬧出三角戀，兩女為爭仔博上位遭到其他天使杯葛，前晚《五覺》錄影，三角戀當事人成為焦點，被指不和的Gemma和Apple亦交足戲合照，之後金剛夾在兩女中間影相時卻面紅起來，顯得十分尷尬。
Apple乘虛而入
問到金剛兩女中喜歡誰時，被指率眾天使玩杯葛的白雲搭訕：「睇佢錫邊個多啲咪對邊個好啲囉！不過我唔留意佢哋，我淨係留意嘉樂。」
Gemma接受訪問時表示沒有跟Apple不和，有指金剛與她及Apple消夜時「左右逢源」，她謂：「冇呀！呢排冇坐，（讓位唔想同人爭？）順其自然啦！呢啲嘢唔使爭、唔使讓，我依家單身。（金剛係你杯茶？）佢個人都OK，唔係個個講到佢咁差，（追你？）我唔係好feel到，佢對個個都係咁。」
由於Gemma的母親於外國返港，Gemma亦少了參與《五覺》消夜團，在旁的金剛即謂：「佢阿媽話我靚仔，呢啲咪有眼光囉！（喜歡誰？）兩個都鍾意，聰明同蠢都鍾意，balance呀！」對於兩女不和及消夜時分坐他兩旁，金剛說：「唔會，佢哋感情好好，有陣時我左邊個位空o架喎！（Gemma話近排冇坐你隔籬？）佢唔開心呀！」跟着又抵死指着Apple說：「你乘虛而入！不過我冇感受到佢哋嘅愛，都冇買咖啡畀我。」金剛、Gemma和Apple在現場猶如大耍花槍，白雲大叫無癮。
陳靜冧「樂仔」
另同場的陳靜（DaDa）於上海被本報獨家影到與「上海余文樂」在酒店密會兼把酒談心三小時，她表示當日是為工作到上海，並稱對方是她經理人的朋友。
問到是否拍拖？她說：「唔係，依家事業為重，但我覺得佢條件好好，有事業心但係我唔贊成異地戀。（你哋表現親暱喎？）可能飲咗少少酒。」DaDa坦言男方符合她擇偶條件，並表示如果對方展開追求她會考慮。
文：影視組