葉德嫻入場睇劇聽唔明
葉德嫻（Deanie）、馬浚偉、陳法拉、余安安等昨晚齊撐秦海璐及王磊參演的舞台劇，得悉該舞台劇全以國語對白的Deanie，無奈表示國語向來麻麻，惟有靠在場的繁體字幕協助，更謂：「我係簡體字白癡，好在呢排多去內地宣傳，又買咗本簡體字樂理書睇，點知睇一、兩頁就想放棄。」
問到是否有興趣演舞台劇？Deanie坦言的確有人邀請，但最後因對手及劇本問題令合作告吹，還笑謂：「都係演音樂劇會開心啲，不過都嫌自己挑剔，會覺得音響同對手唱得唔夠好，（想同邊個對手合作？）張學友、陳奕迅等，但佢哋都唔得閒啦！」
此外，陳法拉則忙於為今年推出的專輯錄音，對於妯娌諸葛梓岐公開表示有觀賞她的新劇，但卻未有聽到她唱的主題曲，對此法拉不欲多談：「碟都未出，知大家關心，但唔想用呢樣嘢宣傳，（第時喺音樂活動撞到會尷尬？）演員咩尷尬場面都遇過，要識得調節。」