蔡楓華戴假髮敗跳紅館
蔡楓華（Ken）昨晚終踏紅館開騷，一圓31年夢想，有9成觀眾力撐，惟卻零藝人捧場！戴黑超、鬈假髮的Ken穿上紅閃片西裝襯白褲隆重登場，扭pat扮Cool說：「好緊張，山頂朋友大家好，等咗31年終於喺度唱歌，見到殘廢人士座位都爆滿，無限感激！」
Ken唱出《愛不是遊戲》、《也許》等金曲，歌迷吶喊「蔡楓華天王巨星」、「白馬王子」，Ken滔滔不絕說：「心情非常複雜，要定一定神先……終於有機會，蔡楓華三個字喺香港體育館出現，過去半年，有一半時間失眠，為咗呢場騷練歌練舞，大家知我係出色嘅舞林敗類，但我唔會hea住做，跳得唔好唔好介意。」