Alan護億萬女友 笑啃牛肉乾

曾因三角桃色糾紛鬧上港聞版的樂隊Mr.主音Alan，當年聲稱與億萬富家女Sally是好朋友，據知二人經年半的了解後正式蜜運，但為免被指黐億萬女友，Alan一直收埋戀情。

情急翹手

昨日趁復活節假期，Alan約女友拍拖歎日本菜，下午二時素顏的Sally和Alan步出Alan位於薄扶林置富花園的寓所，直往停車場取車，然後驅車往中環，兩人下車後並肩步往餐廳，期間不停交頭接耳，表現親暱，但兩人全程顯得小心翼翼，完全沒有拖手，飽餐一小時後結伴步出。

放大圖片	及至二人飽餐後被記者拍照，Sally嚇得一度「面壁」。	Sally明顯不慣被追訪，嚇到翹實男友，Alan邊輕鬆打發記者，邊急步疾走。

此時記者上前拍照，Sally嚇得不知所措，一度擰轉頭面壁，情急之下更不自覺翹實Alan，原本避避忌忌的兩人，於自然反應下竟暴露了親密關係！記者問二人拍拖多久，Alan尷尬地笑笑口說：「我哋食飯啫！（一齊咗幾耐呀？）食飯啫！」此時他發現被女友翹實，溫柔地向女友耳語兩句後，Sally即醒目地縮手。

Alan邊行邊回看女友，表現細心。	二人急急上車，未有留意擋風玻璃上的「牛肉乾」。	Alan先在九龍塘商場外放下Sally。

為保護家庭背景特殊的女友，Alan盡力護花，及至記者問兩人會否打算結婚，他無奈笑說：「梗係唔會！我唔介意畀你哋影，但真係唔好影佢啦！」記者大讚兩人外表合襯，Alan聞言展露出自豪的笑容，並說：「多謝晒！」

默認戀情

兩人好事被撞破後，慌亂得連座駕慘食「牛肉乾」（即被抄牌）亦未有留意，急急上車速逃。Alan先開車送Sally往九龍塘，但就避忌地沒直送女友到家門口，再往柴灣接另一名男性朋友往銅鑼灣行街。記者再上前問到Sally的感情事是否已處理好？Alan仍重複自己只是和朋友食飯作掩飾：「頭先純粹係同朋友食飯啫，多謝大家關心。」其後記者再致電問兩人的關係，Alan直言：「請大家畀多啲空間啦！（係咪唔否認？）對！亦無直認。」明顯對這段萌芽的戀情保護有加。

文、攝：追蹤組