陳嘉桓母女情深 底褲兩份着
早前首度行內衣騷的女星陳嘉桓，自爆愛在家中穿內衣對鏡自照欣賞，更指跟母親感情猶如姊妹，不分你我，內衣褲輪流着，認真母女情深！
今年19歲的陳嘉桓（Rose）向來行玉女形象，早前大解放為內衣品牌Triumph行騷谷胸晒腿，她說騷前只做身體護理，圖以最靚皮膚示人，她笑說：「我冇做健胸運動，因為我仲後生，未需要做呢步！」
向來作風保守的Rose，對內衣原來也甚有研究，自爆家有超過50套內衣，也愛對鏡自賞：「買多啲可以襯衫，但我唔夠膽好似鬼妹咁只着bra top出街，點都要加件背心，內衣太sexy就留低喺屋企着，自己慢慢欣賞，我都有一、兩件只喺屋企照鏡欣賞，但一定唔會影相！我贊成靚內衣可以吸引男士，但我從來未有呢個體驗。」
Rose最難忘人生第一Bra是經母親Ronnie購買，更言內衣褲也會和母親兩份穿：「第一Bra係我主動叫媽咪買，好記得係淺白色，當時都覺得尷尬，依家大個女，都會成日同媽咪一齊買內衣褲，仲會交換着，（唔怕唔衞生？）唔怕，因為一定會洗嘛！」
未夠Cup數出寫真
自評身材只有60分的陳嘉桓，笑言未知今年會否出寫真：「呢幾年我作為旁觀者，覺得好大競爭，我覺得自己Cup數唔夠勁，雖然以後係咪會性感工作要睇公司安排，但我想有唔同形象，開始有少少女人味。我目標喺兩年內買樓，依家學緊車，希望未買樓前可以先做車主！」
文：專案組