趙碩之麥貝夷唔信轉「性」
趙碩之（Wylie）對於師弟鍾一憲傳與空中少爺拍拖，她承認成日笑他：「但好似唔係，個空少我都識，佢哋只係好朋友。Jason未出道前我都見過佢女朋友，佢有帶女友出嚟，除非佢遇到咩打擊突然有轉變啦。」
至於拍檔麥貝夷，對於「鍾李」舉動細心及「股惑」踢patpat，認為同性有身體接觸唔奇：「我同女仔都唔會有避忌啦！男仔同女仔先至會避忌。（有冇問過Jason係咪斷背？）從來冇直接問，呢啲嘢大家心照啦，況且我都識佢前度女友，唔覺佢斷背。（係咪情傷轉性？）唔會啩，佢男女都撩啦，如果佢撩我，我都會受溝o架！我遲啲都同女仔住，可能又會畀人傳，如果我哋一個畀人話gay，一個話係les，都好搞笑。」
