鍾一憲股惑空少踢出攣味
趙碩之師弟鍾一憲（Jason）一直被傳「斷背」，前晚他被發現與「空中少爺」同性密友於沙田撐枱腳歎雞煲。之後雙雙河邊散步睇星星，沿途Jason不時在對方身旁興奮彈來彈去，密友亦從後伸腳踢向Jason屁股回禮，儼如情侶般打情罵俏，其後雙雙返回附近屋苑。
現年23歲的Jason，有「嫩版吳卓羲」之稱，參加「大名星歌唱比賽2007」奪亞軍，10年出道，去年與同公司的麥貝夷情侶檔合唱《勾手指尾》橫掃樂壇多個獎項，熱爆Youtube！出道兩年Jason的性向成疑，早前被傳與任職「空中少爺」的李姓同性密友於沙田築愛巢，「鍾李」更經常孖住出席朋友聚會，關係非比尋常，但Jason否認斷背，只認與對方同居。
包飲包食
前晚有讀者報料指Jason與一男子在沙田河畔一食肆撐枱腳，本報記者趕到現場，果見同穿上情侶間條衫的「鍾李」正在歎雞煲，邊食邊傾甚為投契，期間Jason更為密友拿飲品，服侍周到。食至尾聲，Jason往櫃枱先埋單再返座位繼續食，「空少」卻沒有意欲拿錢給他，食到晚上10時半「鍾李」才離開。
原來二人肩並肩到河邊散步，Jason像小鳥依人般黐住對方，心情大靚的Jason手舞足蹈，無意間弄瀉了對方的飲品，急急拿紙巾為對方抹乾。之後Jason不時彈下彈下、轉圈、轉身擺chok甫，狀甚興奮，而「空少」亦出腳從後踢向Jason屁股回禮！二人又邊行邊抬頭賞星星及以手機拍照留念。回程時「空少」忽然停低向Jason翹起屁股，Jason則表現得很開心。返抵私人屋苑大廈門外，二人避忌的前後腳入內。當晚Jason即於微博表示吃完火鍋很滿足！
昨日致電Jason，他承認前晚跟李姓「空少」打邊爐，但否認兩人拍拖：「唔係，我哋媽咪係麻雀腳，又唔係影到啲乜親密嘢，食飽咪散步囉！我哋係好朋友關係，好似兄弟咁，似一家人。」
文、攝：追蹤組