白雲勸姊妹做好本分
「神獸天使」為爭仔醞釀內訌，監製錢國偉被問及此事時表現得十分為難，他在電話中說：「『神獸天使』係冇之前『美味天使』咁團結，『美味』到今時今日都仲會約埋出嚟食飯，但呢班就唔會！」對於其他天使不屑Gemma和Apple為爭仔博上位，錢國偉說：「我唔清楚，咁金剛單身嘛，唔通追有老婆嘅洪天明、錢嘉樂嗰啲咩！但佢兩個女仔去消夜都有編定座位！（坐金剛左右兩邊？）多數啦！」
而天使「講唔猿」白雲則對杯葛一事有保留，並暗寸Gemma和Apple沒有做好本分：「大家好投契，只係有啲私下活動未必個個就到時間出席，我冇話杯葛邊個。（Apple爭仔博上位？）我同Apple都熟，我唔知佢係咪真係同金剛拍拖，如果真係鍾意就冇所謂，不過我都係覺得做好自己本分先！」
