Jocelyn奧地利尋根
有「翻版關之琳」稱號的混血名模Jocelyn，早前與老公Anthony往奧地利及瑞士等地工作並順道旅行，Jocelyn稱此行為「尋根之旅」，皆因她有四分一奧地利血統。她表示：「我爸爸係奧地利、法國混血兒，不過其實已經冇親戚住喺嗰度，但係都好想去睇吓！」
Jocelyn大讚維也納浪漫，更專程到訪她最喜愛的電影《仙樂飄飄處處聞》的拍攝場地。她笑言：「我喺嗰度一邊唱歌、一邊跳舞，而且天氣好好，好舒服！」
另外，他們更到當地城堡參觀，Jocelyn冧爆說：「我一向都好鍾意富傳統氣息嘅嘢，置身城堡，我覺得自己變成公主，不過最重要都係同我嘅王子一齊！」
