黃貫中受騷擾棒球棍伺候
樂隊Beyond成員黃貫中（Paul）性格不平則鳴，前晚他在微博表示被不明來歷的車跟蹤返寓所，令他感到受騷擾，之後還在微博爆粗又拿着棒球棍拍照。
昨日記者致電給Paul，他勞氣地說：「我同朱茵下午出外買餸行街，佢哋已經開始跟，返到大埔我屋企，又見到佢哋泊咗架車喺度。我上前佢哋即刻開車，十分鐘後再有另一架車嚟，今次村長上前問，對方竟然話自己係電訊公司，然後響晒胎咁飛車走。佢哋滋擾到我同其他村民已經唔啱，仲要飛車，條村好多細路同老人家，非常危險！」
之後Paul叫朱茵自行回家，Paul就拿着棒球棍在屋外等，他說：「我又唔係花花公子周圍夜蒲識女仔，咁樣針對我太過分，而且好冇水準。」