陳嘉寶遇騎呢狂徒驚到喊

舊八模成員陳嘉寶（Anjaylia），前日放學後跟一位女同學行街，突然有名陌生男子衝出來拿着相機影她，她們惟有走入商場暫避。

「快啲報警啦」

詎料陌生男再聯同另一名「同黨」竟隨後死跟，兩女嚇到衝入一間店舖「避難」，她們揚言會報警，本以為有阻嚇作用，但該兩名陌生男竟起哄附和，又不時在店外呼喝：「快啲報警啦，你行出嚟啦，企喺度做乜呀？」店舖職員見狀即找來保安員調停，此時Anjaylia已被嚇得花容失色、淚流滿臉，最後兩女跟着保安員離開現場，兩名陌生男竟拍下整個過程後，才滿意離開。

Anjaylia返家後將事發過程寫成文字放上微博，並寫道：「從來也沒遇過這樣的事，想要對今天在身邊的朋友、好心的商場保安、店員、公司同事說聲謝謝。」

警惕身邊朋友

而Anjaylia接受記者電話訪問時，心情仍然低落，她說：「真係畀佢哋嚇到喊，喊到唔停，咁大個女都係第一次。」她表示不知道對方身份，曾懷疑是記者，但她所認識的記者不會這樣做，未知是否有無聊人冒充記者惡作劇，她上載文章到微博是為了警惕身邊的朋友：「我寫番篇嘢出嚟，係想同身邊嘅模特兒朋友講叫佢哋小心，我自己本來想避得就避，點知仲要聽埋啲咁嘅說話！」由於沒有拍下狂徒樣貌，Anjaylia應該不會追究，惟有以後自己出入小心。

Anjaylia的好姊妹何思諺（Leanne）得悉後亦在微博鬧爆狂徒：「此事真的令人憤怒，幸好你沒事！」

文：專案組