陳志健 密密做儲老婆本
前港男陳志健（Otto）與甘草演員羅樂林女兒羅苡之最近訂婚，日前二人預支蜜月到了蘇梅島旅遊七日，享受陽光與海灘和欣賞日出，相當浪漫。Otto坦言「Hea」完這個假期便積極儲錢籌備明年之婚禮，他除了為無綫開劇外，還私下開班教打拳和健身，希望儲夠六位數字，大排筵席娶苡之過門。
這個預支蜜月之旅，Otto表示配合之前與女友羅苡之訂婚而定，旅程堪稱豪歎，因為放假前二人都忙於工作，難得有機會享受七日假期：「大家好難先就到一齊放，喺香港就忙到不得了，壓力好大，去到嗰邊就Hea爆，我哋日日都係去唔同酒店嘅泳池游水、Spa，我哋住嗰間酒店又有廚師可以煮嘢畀我哋食，歎到唔捨得返。」