李玟揸實里奧勒度唔放
天后李玟（Coco）、「電眼美人」李美鳳等昨日出席Estee Lauder活動，Coco透露早前與老公Bruce一同出席好友Top Shop老闆Sir Philip Green的60歲生日派對。Coco與歌手史提夫溫達合唱後，發生了一段令她非常興奮的小插曲，她說：「喺我落台嗰陣，有人伸隻手出嚟扶我。點知原來係里奧勒度狄卡比奧！我即刻捉得佢隻手好緊，仲即刻慢慢行。（老公呷醋？）佢話『係咩？咁正！』」
而同場的李美鳳透露下月是她與老公結婚十六周年紀念，將全家到峇里島旅行慶祝，她並冧爆表示於情人節收到老公親手做的心意卡。她說：「其實唔使咩大禮物，淨係攬吓我錫吓我已經好開心。因為佢唔係一個好熱情嘅人，會主動拖吓我隻手已經好滿足。（送咩禮物畀老公？）幫佢做全身按摩。」
