陳靜先聲奪人 風騷派飛吻
繼早前陳靜（DaDa）獲TGC邀請到日本行騷，昨日該主辦單位首次在港舉行TGC時裝騷，再次邀請DaDa和一眾師妹鍾采羲（Iris）、鄧伊玲（阿旦）和林宜芝（Monna）擔任模特兒，三位日本名模Sara Mary、Elli-Rose和Maggy亦專程來港行騷，令活動生色不少。昨午DaDa趁未開騷前帶Maggy到Liz Lisa時裝店揀衫，更獲日籍老闆厚待任她們免費揀衫，令她們相當興奮。
DaDa、Iris和三位日模在行騷前接受傳媒訪問，身穿小背心的DaDa大晒四吋事業線，成功搶盡風頭，問到為何如此性感？DaDa說：「夏天到喇，好熱，我瞓覺都覺得熱，同埋啲衫係大會安排。」她又透露好開心再次跟三位日模見面，並收到對方的禮物。DaDa又透露下月與阿旦到馬爾代夫旅行，高呼想有艷遇，問到她是不是跟李雨陽拍拖，她即尷尬地說：「一直係朋友，我仲係單身，（同佢分手？）係朋友。」
Iris處女騷緊張
至於Iris透露今次是她處女行騷，心情雖然緊張，但也好開心。活動開始時，換上粉紅色紗裙的DaDa，心情勁High不停向觀眾飛吻，令全場起哄，未知是否太興奮關係，當DaDa準備走入後台時，差點跣腳絆倒，令她一臉尷尬。
文：專案組