林保怡日本驚歷地震
林保怡日前出發日本宣傳新劇，拍檔唐澤壽明一盡地主之誼安排連串節目，沒料首晚大歎魚生之際，卻遇上地震，難得唐澤處變不驚，還一臉鎮定向保怡講解，不過保怡卻大嚇一跳。
由富士電視台與WOWOW合作中、日、韓劇集《六個陌生人》昨晚首播，有關方面於昨午舉行大型記者會，三位型男林保怡、唐澤壽明及韓星吳智昊均有撐場，期間大談拍攝時的苦與樂，吸引大批日本傳媒到來採訪，場面熱鬧。
40℃開工呻苦
眾人異口同聲指拍攝時氣溫高達40℃，加上連場動作戲，苦不堪言。
香港代表保怡大讚唐澤及吳智昊的動作都很厲害，令他留下深刻印象，吳智昊就表示向來視唐澤為偶像，今次能夠與對方一起工作，絕對獲益不少，感到很光榮。
拒坐專車搭JR
至於前晚保怡抵達日本後，唐澤即以東道主身份招呼他，還表示宣傳期間，每天均會安排保怡品嘗日本特色食品，故首晚他率先帶領保怡歎地道魚生，昨日保怡接受訪問時謂：「真係好開心，尋晚一齊食魚生，突然間唐澤叫我望住隻杯，我見到隻杯喺度震，原來係地震！不過自己一啲感覺都冇，呢方面日本人真係比我哋意識強好多，同埋唐澤又處變不驚，我就嚇一嚇囉！」事後唐澤更向保怡送上地震求生包。保怡還透露將於當地逗留一陣子宣傳，原定此行大會安排專車接送，不過他卻寧願坐JR，感受當地文化一番。
文：影視組