莊思敏賣自家品牌 逼兩妹操刀

模特兒莊思敏(Jacquelin)與兩胞妹及友人合資200萬元開時裝店,其中一友人正是有亞洲版Beyonce之稱的劉晨芝,Jacquelin表示對方是發起人兼買手:「香港嘅party dress選擇唔多,我哋嘅衫全部來自美國,仲攞到香港嘅獨家代理,好多荷里活名人同紅星,好似Paris Hilton、Britney Spears、碧咸嫂都有着,首批入住600件先,當係小試牛刀。」

Jacquelin稱期望可在九個月內回本,稍後更會推出自家設計的時裝,她笑言:「其實我兩個妹思明同思華都係讀時裝設計,不過佢哋從來冇畫圖,係時候逼吓佢哋做嘢。」新店由構思到開張,只有不夠三個月時間,問到何以如此倉促?Jacquelin解釋:「因為擇咗吉日,而且已經租咗舖位,唔想吉咗佢。」