峯霜緣盡冇機碰頭

林峯與舊愛潘霜霜昨日同於影視展中各有宣傳活動,原本兩人大有機會撞個正着,惟霜霜的宣傳活動突然因技術問題取消,「峯霜」無緣碰頭!

林峯在無綫活動中被問到可會覺得霜霜有心避他?他說:「人哋嘅事唔知喎,希望佢工作順利。(怕唔怕佢踩場?)要問番佢,見到咪大家點吓頭,件事都過咗去,唔諗碰唔碰頭嘞。(係咪無綫畀壓力令佢取消活動?)呢個係公開場合,應該唔會。」至於以後出席活動會否想清楚同場有甚麼人?林峯說不作多想:「撞到先算,都冇乜好尷尬。」而前晚他排舞時因坐骨神經問題引致腳痛,之後會食止痛藥頂硬上。

今日林峯會再到影視展宣傳新戲,至於霜霜的活動估計會延遲兩、三日後舉行,兩人依然無緣碰面。