超盈獲賭王送法國餐廳品牌

賭王何鴻燊千金何超盈前晚以白色公主look出席Moiselle春夏系列時裝展及派對，為好友兼品牌太子爺陳柏熹撐場。但見她聲音沙啞，原來是喉嚨痛，問到近況如何？她說：「都係返學放學啦，下年先畢業。（係咪真係一畢業就結婚？）我仲有好多其他嘢做，依家搞緊生意，將會代理一個法國餐廳品牌，因為自己鍾意食嘢，已經籌備緊，依家一邊讀書一邊搞，（男友有冇份投資？）自己搞，佢冇份，同埋做呢樣嘢係因為爸爸都好鍾意食嘢。」她還透露這是爸爸送給她的生日禮物，並希望畢業後作長線發展，早前亦與母親前往法國洽談代理權。