樂基兒不設防ready生B

黎明嫂樂基兒前晚現身時裝騷,透露新年期間與老公到美國度假一個月,雖沒有刻意造人,但坦言現時已沒有採取任何避孕措施,更揚言「唔會唔生」,似乎已隨時ready做媽咪!

樂基兒(Gaile)前晚與黎明(Leon)愛將文詠珊(JM)、關心妍夫婦、溫碧霞、黃伊汶、何嘉莉等人出席Moiselle春夏系列時裝展及派對。Gaile被指再度發福,她即澄清自己已清減不少:「瘦咗好多啦,之前冬天去咗美國一個月,新年期間見到屋企人好開心,所以食多咗,Leon都有去。(有冇順便造人?)冇特別去造,(放假都唔造?)唔知喎,好難講,順其自然啦,之前有prevent(意指避孕),依家冇,有(BB)會要。(表明態度有意生BB?)冇講明生定唔生,但唔會唔生。」看來Gaile已隨時ready做媽咪!

JM被打阿媽睇到喊

Gaile還透露將於今日起程到巴黎工作一星期,之後會在當地會合媽咪兼停留數天,陪媽咪吃地道美食和行街shopping,但Leon不會同行。問會否食蟲草等補品來調理身體以準備生B?她說:「中藥我唔識,唔知中國style,亦冇生BB食療。」

而JM則表示很久沒有見到老闆娘Gaile,因為最近忙於新片《大追捕》的宣傳,問到對票房的信心?她笑言有份參與已經很開心,其他事控制不了,又表示戲中她被虐打的一幕,令很多觀眾流淚,她媽媽看完後,更即時打電話向她哭訴,坦言心痛愛女受到毒打。

關心妍家長恨抱孫

此外,同場的關心妍亦表示和老公楊長智已不設防造人,但最近卻因為忙為新碟錄音而未能完全放鬆,她無奈表示:「有同老公講,會氹番佢。公司冇講明唔可以有,但我遲啲又要飛美加做嘢,如果有又唔知飛唔飛好。」她又坦言雙方家長都心急抱孫,故老實不客氣催她快點生BB,所以工作過後她便會全力以赴。

文:名人組