張嘉兒環保先鋒少用袋
前港姐冠軍張嘉兒不僅美貌與智慧並重，而且還是環保先鋒，因她經常從生活中實踐環保訊息。每次出街，都定必帶備環保袋，減少用膠袋的數量，她說：「其實依家香港嘅環保措施已經做得好好，譬如喺現時超級市場徵收膠袋費，促使更多人帶環保袋出街。」
除了自備環保袋外，出外用餐她也不忘環保，對餐具的要求一樣嚴格，她說：「平時喺TVB Canteen食飯，我都一定會用鐵造嘅餐具！仲有一定會叫佢少飯，唔好浪費嘛！就算食buffet，我都只會叫佢唔好收碟，盡量用一隻碟。」
響應環保已經成為了嘉兒生活的一部分，而她亦提出了一些針對性的建議，嘉兒說：「我覺得可以喺屋苑嘅每一層增設一個環保分類回收箱，好多人都因為懶而唔願意拎出去外面扔垃圾，但係如果只係喺屋企行多步，相信一定會有更多人支持！」