汪詩詩撐子丹 叫趙文卓反省
汪詩詩和甄子丹向來是恩愛夫妻，今次子丹和趙文卓因拍攝電影《特殊身份》而鬧不和，身為老婆的詩詩當然力撐老公。昨日她出席Tory Burch時裝活動時，表示老公有告知事件發展。問到老公是否會和對方打擂台，她說：「應該唔會喇，子丹同過好多人合作，佢係個愛電影嘅人，係一個專業演員同埋武打導演。其實大家都知道佢Actions speak louder than words。佢（趙文卓）要睇番自己做過啲咩囉，要檢討吓，畀公司停用，係老闆話事，唔係子丹一個決定。」
老公冇大哥feel
問到老公是否處事比較主觀，詩詩說：「佢個人好認真，返工唔會瞓覺，好守時，好專業，平時拍戲24小時，打畀我都係講電影嘅嘢。（趙文卓老婆好支持佢老公，你呢？）我唔係偏幫子丹，我唔識趙文卓佢哋。（你老公係宇宙最強，你覺唔覺佢好有大哥feel？）佢算係一個leader，好多人都尊重佢。（入到片場好大哥？）唔係，佢得一個助手，唔大哥feel，佢唔係BB，唔需要咁多人照顧。（你話趙文卓係BB？佢有六、七個助手。）唔知喎。（你覺得打擂台邊個贏？）如果真係打，我都係team yan嘅。」她坦言這件事令老公有點失望，因老公本身很賞識趙文卓，想與對方合作。
訪問節目被抽起
另外，趙文卓早前接受內地節目《今夜有戲》訪問，他還在微博「預告」指自己說出了一些實情，原本節目在前晚播出，但最終抽起，趙文卓坦言不知抽起原因，而電視台方面則指因有臨時變動故抽起節目，播映日期另行通知。昨日，趙文卓再於微博留言，指自己憑良心做事，不認可江湖的所謂規則，並感謝各界支持。
文：名人組