江若琳等另一半送石

前晚江若琳、杜汶澤聯同導演邱禮濤在港出席電影《高舉．愛》的首映禮，江若琳佩戴由金至尊贊助價值七位數字的鑽飾，明艷照人，即時令她壓力大增：「自己比較烏龍所以要特別小心，由專人代為佩戴同跟住。」她表示家中的鑽飾不多，雖然很多女士喜歡別人送贈，但她喜歡自己購買：「不過第時有另一半的話，送又唔拘嘅。（恨嫁？）唔係，愛我嘅人送就冇所謂。」

經常到內地拍劇，有否受到內地的富二代垂青？江若琳說：「邊有，我去咗敦煌拍劇，風沙就大把，食沙都飽啦。（有導演追？）邊有！（咁咪好悶？）都幾o架，依家等緊，希望緣分快啲到。唔一定係圈中人，圈外都得o架。」

女子組合HotCha成員Winkie（右）和Crystal，結伴亮相。	江若琳未有追求者，杜汶澤指她只愛有才華之士。	新進靚女吳千語亦有亮相首映禮。

杜汶澤冇筍盤

阿澤笑言身邊沒有富二代朋友介紹給江若琳認識，他說：「佢成日望住我，應該唔鍾意靚仔，佢應該鍾意有才華嘅人，圈中邊有筍盤吖，可能外國人啱佢。」此外，阿澤指十多年前不時醉酒，總共遺失了身上的鑽飾及耳環達七位數之多。

另外，DJ卓韻芝公布其《死去活來One Night Stand Again》talk show嘉賓，分別有何韻詩、黃德斌及阿澤。她說垂青黃德斌一身完美的肌肉，而阿澤平時玩人玩得太多，今次對他絕不手軟。 文：影視組