賈曉晨曾簽上海仔改黐叻哥

賈曉晨(JJ)被爆曾簽「上海仔」郭永鴻開設的藝人公司,有指二人曾傳緋聞,據當年於郭永鴻公司出任JJ經理的吳小姐表示:「JJ當年喺郭生公司做藝人,兩個人一年見唔夠五次,多數係聖誕派對、春茗等官式場合,我冇聽過佢哋傳緋聞,佢哋應該冇特殊關係。」

JJ現任經理人文迪則說:「JJ當年過檔叻哥(陳百祥)公司前,同郭生仲有兩年合約,但郭生份人好好,約咗叻哥同我三個人坐低傾,共同協商拆帳方式,過程好流暢,JJ過咗新公司運作正常,頭一年因為未承接,感覺好似冇工作咁,但今年已經拍咗五個劇,發展好好。即使依家同郭生再見面,佢都會問候JJ,郭生份人好nice。」