上海仔自爆嗒徐子珊糖
捲入新一屆特首選戰而成為新聞人物的「上海仔」郭永鴻，最近被指與梅小惠曾經拍拖，小惠坦言與上海仔識於微時但沒拍拖。「上海仔」接受本報記者訪問時亦否認此事，但他衝口而出驚爆：「我最鍾意係徐子珊﹗」
新聞人物「上海仔」郭永鴻因新一屆特首選戰而人氣急升，近日他更被發現與娛樂圈有淵源，與不少藝人扯上關係，當中包括梅小惠，有傳二人曾經拍過拖，記者訪問小惠時，她笑言不只一次被問及此事，她否認二人曾相戀，只承認對方是他一個很尊敬的大哥哥。跟上海仔識於微時，對方住在他們一家樓上。
到靈堂送梅父最後一程
小惠說：「佢好尊敬老人家，喺我爸爸唔舒服住醫院時，佢好有心去探爸爸，99年亦有送爸爸最後一程。」小惠又指2010年上海仔的母親去世時，梅母着她與姊姊梅小青到靈堂致祭以表心意，姊妹二人更於靈堂幫手摺衣紙。據知，當日上海仔到靈堂拜祭小惠父親時，穿着一身白色中山裝出席，更有六名黑衣大漢傍住。問小惠有否感對方追求過，她謂：「feel唔到囉！佢喺我十一、二歲時已經搬走，好耐冇聯絡。」
至於小惠胞姐梅小青坦言與上海仔可說是一起成長，更坦言爸爸不在時，對方曾握實其母的手慰問，相當有心，問有否聽過他與妹妹拍拖一事，梅小青說：「以我所知冇，我有聽過話佢追小惠，不過你知啦！小惠成日都話多人追，唔知真定假。」
就緋聞一事本報記者向「上海仔」郭永鴻求證，他矢口否認：「冇！冇追過佢、冇拍過拖，我同梅小惠係好朋友啫，睇住佢大，好細個識。可能兩年前佢有出席我媽媽個喪禮，而畀人誤會啦！」他更衝口而出自爆：「其實我最鍾意係徐子珊，不過徐子珊唔鍾意我啫！（你依家追求緊徐子珊？點識架？）咪講咗囉，我鍾意佢，佢唔鍾意我嘛！哈哈！」他亦否認與賈曉晨（JJ）的緋聞，表示幾年前開過娛樂公司簽過JJ及唐寧，現在已沒有開娛樂公司。
文：影視組