唐詩詠撐男友化興奮為食量

一直默默支持崔建邦的唐詩詠，得聞他重返幕前，坦言戥他開心，昨日她在電話中說：「希望佢加油啦！目前做好自己係最重要，同埋觀眾接受番佢。（對佢有信心？）今次佢返幕前，最緊要係對自己有信心。（有冇寄望？）其實佢可以做番自己鍾意嘅工作，一定會努力去做，亦相信佢會做得好好，發揮到所長。」

日前崔建邦忙於助導工作，唐詩詠則找來友人陪開餐，當晚約八時許，唐詩詠駕車接載一名女友人到大坑一間餐廳，點了滿枱美食。或許唐詩詠當時已收到風男友獲放生，芳心大慰，胃口甚佳的她全程吃不停，最終逗留約一小時才埋單離開。