JC：千金難買心歡喜

我細個入行做model，搵錢只係其中一個原因，主要原因唔係個個有機會畀人發掘入呢行，所以家人都好鼓勵我做model，而且我都好鍾意呢個職業。其實當時屋企唔係好窮，同一般基本家庭冇分別，所以唔可以完全話係幫補屋企我先去工作，當然我搵到錢會畀屋企人。

買嘢先諗屋企人

雖然我15、6歲已經做model，學歷唔係最高，但我工作外係完成基本課程，但如果依家畀我再揀讀書定做嘢，我會選擇繼續做呢行，因為呢行有好多嘢書本係學唔到，而且梗係趁後生先做model啦，所以我好享受呢份工。每個人都搏命工作搵錢，我都好努力工作，但喺我心目中錢唔係最重要，起碼錢買唔到開心，不過我覺得如果搵到錢然後畀屋企人，係可以表現到愛，我凡事都會屋企人行先，好似我有一舊錢，我會買咗嘢畀父母或者妹妹先，有錢剩先會再買嘢畀自己。

JC喜歡做模特兒，亦很享受這份工作。

JC以家人為先，買東西都會先給家人。

日本模界有規矩

除咗喺香港做嘢，之前我試過去日本發展。其實日本都幾好，因為當地分得好清，model還model，明星還明星，而且日本model都係朝九晚五，好有規律，可能每個月同一日都會去影雜誌，同樣擺五十個甫士，所以喺日本發展唔算辛苦同辛酸。但語言障礙會阻礙日本發展，因為就算我幾紅，唔識日文已經係限制。