傅嘉莉重口味轉冧宅男
模特兒傅嘉莉（Kelly）曾與組合Square成員李柏煥傳緋聞，早前她自爆失戀，不過原來感情多采多姿，今次轉換口味冧宅男。Kelly日前獲一名貌似宅男的男伴陪覆診，更翹手錫頭髮，儼如情侶一樣。
吸金力強的Kelly走訪世界各地拍廣告，年紀輕輕的她已是有樓階級。去年傳出她與組合Square的成員李柏煥拍拖，不過上月Kelly突然自爆失戀，早前更單拖到泰國旅行時，但不慎被玻璃鎅傷手（月爭），失戀又失血，認真黑仔。
Kelly日前到中環覆診時，竟有一位貌似宅男的男伴相陪，認真重口味！兩人雖無十指緊扣，但「宅男」輕搭女方香肩，沿途兩人細聲講大聲笑，期間男方竟主動吻Kelly秀髮。過馬路前，男方又主動為她拿手袋，可見兩人關係非淺。抵達診所時，「宅男」怕路人撞到Kelly受傷的手（月爭），一直搭着其香肩，更扶她上樓梯。
試性感婚紗
Kelly和「宅男」離開診所時發現記者，「宅男」急急彈開，Kelly即上前向記者「備案」：「佢係朋友……哎吔！唔係，係我同事先至啱！你哋唔好亂諗！（拍拖？）唔係，佢一陣陪我去試婚紗。」但Kelly未講完，「宅男」已不見蹤影。
慘被「宅男」撇低的Kelly惟有獨自到尖沙咀試婚紗，在店內試穿多套性感婚紗及晚裝，「胸」光盡露。期間她不時冧爆甜笑，又自拍婚紗及晚裝相，未知會否給「宅男」過目呢？
文：專案組