黎耀祥有太監後遺症
黎耀祥、米雪、陳茵媺及一眾劇集《大太監》演員前晚舉行飯局，陳茵媺對於首次出埠拍劇感到興奮又緊張，問到有否向男友陳豪取經？她甜笑說：「佢提我最重要保暖，因為當地天氣凍，最緊要唔好病，所以我都準備暖包同買褸。（佢叫你唔好出夜街？）我同劇組個個都熟，只會同自己人玩！」
雙眼滿布紅筋的黎耀祥表示，香港部分戲已拍完，日內將往橫店繼續開工。祥仔說最後兩日通宵開工，未能返屋企睡覺，並透露今次扮演的太監有別於前人：「唔使好嗲，唔使乸形。（Man太監？）間中Man啦！（做咁耐太監有後遺症？）個人斯文晒！」對於楊思琦未婚生女，祥仔認為已不是新鮮事：「佢係勇敢，相信呢個年代會接受。」
米雪則表示拍《大》劇最辛苦莫過於最後三天要一次過背起24場對白，但大讚劇本精警，一個字也不捨得改動。